Fair Play | Serye FM Original Audio Series

Episode 28

Mon, 30 Jun 2025 05:26:43 +0000

Sa wakas, nagkaroon ng malinaw na pag-uusap sina Isla at Bianca tungkol sa kanilang nararamdaman at kung ano ang direksyon ng kanilang relasyon. Kasabay nito, ang Everwood team ay muling nagkita-kita para sa enrollment, dala ang tawanan at biruan na nagbibigay ng magandang samahan.

Episode 27

Mon, 30 Jun 2025 05:26:07 +0000

Sa unang date nina Isla at Bianca, habang nagiging totoo si Isla tungkol sa nararamdaman niya, si Bianca naman ay parang naiilang pa rin. Isla only wanted Bianca to be comfortable around her. Pero teka, bakit parang sinabi pa ni Bianca na baka ito na ang una’t huli nilang date?

Episode 26

Mon, 30 Jun 2025 05:24:53 +0000

Sa pagtatapos ng volleyball meeting, naghanda ang Everwood team para sa sem break. Habang pauwi na ang lahat, naglakas-loob si Isla na imbitahan si Bianca sa isang "date." Nabigla si Bianca pero pumayag din sa huli. Ano kaya ang magiging takbo ng kanilang unang date?

Episode 25

Mon, 30 Jun 2025 05:23:22 +0000

Sa gitna ng graduation ni Tala ay biglang nag-abot rin ng regalo si Bianca. Biglaan rin na napasama siya sa simpleng selebrasyon. Sa kabila ng masayang sandali, nagbigay-daan ang bagong FB account ni Isla para mas mapalapit pa sa team. Pero senyales kaya ang “friends” status ni Isla at Bianca na hanggang doon lang talaga sila?

Episode 24

Mon, 30 Jun 2025 05:22:08 +0000

Pagkatapos ng awarding, parehong awkward sina Isla at Bianca at hindi makapag-usap nang direkta. Samantala, si Lance ay tuluyang tinanggap ang desisyon ni Isla, habang unti-unting papunta sa closure. Will there be another beginning as something ends?

Episode 23

Mon, 30 Jun 2025 05:21:21 +0000

Sa gitna ng aberya sa biyahe, nag-krus ang landas nina Bianca at Lance. Sa kanilang awkward na pag-uusap, pareho nilang nahalata ang iisang bagay—pareho nilang gusto si Isla. Samantala, muling pinatatag ni Coach Lisa ang kanilang team matapos ang awarding. Sa kabila ng third-place finish, ramdam ang kanilang pagkakaisa at determinasyon para sa susunod na season.

Episode 22

Mon, 30 Jun 2025 05:19:07 +0000

Isang awkward na umaga ang hinarap ni Isla nang dumalaw si Lance sa bahay nila. It was an awkward celebration. Kahit pa nanalo ang team nina Isla, malungkot naman ang naging pagtatapos ng pag-uusap nila ni Lance. Will Lance be able to recover? O kasabay n’on ay ang pagtatapos ng pagkakaibigan nila ni Isla?

Episode 21

Mon, 30 Jun 2025 05:16:53 +0000

Nanalo ang Everwood sa unang set laban sa Ridgeview, ngunit hindi pa tapos ang laban. Sa gitna ng intense na laro, mas lalo pang tumibay ang teamwork nina Isla at Bianca, nagiging solid ang kanilang depensa at opensa. Subalit, sa kanilang private conversation pagkatapos ng game, tila nagka-miscommunication ang dalawa tungkol sa tunay nilang nararamdaman

Episode 20

Mon, 30 Jun 2025 05:16:12 +0000

Magsisimula na ang rematch ng Everwood laban sa Ridgeview, at ramdam ang tensyon sa bawat hakbang. Sa gitna ng intense na laban, unti-unting nagiging in-sync sina Isla at Bianca, ngunit ang malaking tanong ay kung kakayanin ba nila ang lakas ng Ridgeview. Sa bawat block, spike, at play, nagiging mas malinaw ang chemistry nila sa court. Kaya na bang bumawi ng Everwood sa Ridgeview?

Episode 19

Mon, 30 Jun 2025 05:15:14 +0000

Magiging malinaw na ang mga damdamin nina Mika at Jas para sa isa’t isa. Si Isla naman ay patuloy na nagmumuni-muni sa bigat ng pagiging setter at sa mga komplikasyon ng relasyon niya kay Lance at Bianca. Sa gitna ng kaguluhan ng emosyon, naghahanda ang team ng Everwood para sa rematch laban sa Ridgeview, dala ang bagong pag-asa at plano.

Episode 18

Mon, 30 Jun 2025 05:13:43 +0000

Takot si Isla na muling magkamali, habang si Bianca ay nalilito kung paano haharapin si Isla matapos ang nangyari. Sa tulong ng payo ni Mika, natutunan ni Bianca ang kahalagahan ng pagiging totoo sa nararamdaman kahit na masaktan. Habang patuloy ang pagpaplano ng team para sa kanilang pagbawi, parehong sinusubukan nina Isla at Bianca na harapin ang kanilang unspoken feelings.

Episode 17

Mon, 30 Jun 2025 05:11:26 +0000

Nalilito si Isla sa dami ng emosyon—mula sa pagkatalo sa laro, ang halik ni Bianca, at ang pagtatapat ni Lance. Habang pilit niyang inuunawang ang nangyari, si Bianca ay puno ng pagsisisi at gustong ayusin ang kanilang sitwasyon. Samantala, si Lance ay naglalakas-loob na ipaglaban ang nararamdaman niya.

Episode 16

Mon, 30 Jun 2025 05:10:39 +0000

Nahihirapan si Isla sa kanyang laro dahil sa internal struggles at distractions, habang si Bianca ang nagdala ng team sa matinding laban kontra Crescent Bay. Sa harap ng fierce rallies at personal na tensyon, isang hindi inaasahang eksena ang nagbigay-linaw sa emosyon ni Isla, ngunit ang tanong: sapat ba ito para ibalik ang kanyang focus?

Episode 15

Mon, 30 Jun 2025 05:08:45 +0000

Habang nagaganap ang intense na laban ng Everwood at Crescent Bay, nahihirapan si Isla na mag-focus dahil sa paghanga niya sa diskarte at galing ng karibal na team. Lalo pang gumulo ang isip niya nang lapitan siya ng setter ng Crescent Bay na si Natasha. Kaya bang manaig ng Everwood sa kabila ng mga distractions at matinding pressure?

Episode 14

Mon, 30 Jun 2025 05:08:00 +0000

Muling nagpapakitang-gilas ang Everwood Volleyball Team matapos ang kanilang tagumpay. Pero sa kabila ng papuri at suporta, naghahanda na sila laban sa Crescent Bay Institute—ang dream school ni Isla at kilalang malupit sa court. Habang naiisip ni Isla ang matinding laban, nabuo ang plano niya: ang "Great Wall of Everwood." Kakayanin kaya ng Everwood ang bagong hamon?

Episode 13

Mon, 30 Jun 2025 05:06:10 +0000

Biglang nagkaroon ng practice match ang Everwood laban sa Northbridge College. Habang nagpapaulan ng depensa ang kalaban, nagpakitang-gilas naman ang Everwood gamit ang bagong "cat-like" strategy. Pero hindi lang laro ang nagiging komplikado.

Episode 12

Mon, 30 Jun 2025 05:05:17 +0000

Habang patuloy ang paghahanda ng Everwood team para sa susunod na laro, lumalalim ang tensyon sa pagitan ng mga miyembro. Nagsisimula nang maghalo ang laro at ang kanya-kanya nilang personal na emosyon—selos, tampo, at hindi pagkakaunawaan. Si Bianca ay patuloy na naaapektuhan ng presensiya ni Lance, habang si Jas at Mika ay tila nagkakaroon ng malaking gap.

Episode 11

Mon, 30 Jun 2025 05:02:17 +0000

Panalo man sa laban, hindi magawang maging masaya ni Bianca dahil bumalik sa buhay ni Isla ang childhood friend nitong si Lance. Ayaw man aminin ni Bianca pero nagsisimula na siyang makaramdam ng selos. Unti-unting humihigpit ang kompetisyon hindi lang sa court, kundi pati sa puso ni Isla.

Episode 10

Mon, 30 Jun 2025 04:55:44 +0000

Sa pagsabak ng Everwood laban sa Silvercrest, naging hamon ito sa kanilang disiplina at precision play. Si Isla, gamit ang mga plano ni Coach Lisa, ay naging key player sa kanilang laro. Pero sa biglang pagdating ng childhood friend ni Isla na si Lance, nagdulot iyon ng tensiyon kay Bianca. Dito magsisimula ang love triangle sa pagitan nila Bianca, Isla, at Lance.

Episode 9

Mon, 30 Jun 2025 04:54:41 +0000

Mabigat ang pakiramdam ni Bianca matapos ang pagkatalo laban sa Ridgeview. Nahihirapan siyang tanggapin ang emosyon niya para kay Isla. Habang si Mika ay nagtataka na sa lumalapit na koneksyon nina Jas at Bianca. Magkakaroon kaya ng mas komplikadong damdamin sa pagitan ng members ng team?

Episode 8

Mon, 30 Jun 2025 04:49:51 +0000

Sa practice game laban sa Ridgeview State, naramdaman ng Everwood team ang lakas at bilis ng kalaban. Ibinigay na ni Isla ang lahat bilang setter, habang si Bianca naman ay nag-struggle sa blocks. Habang nasa laro, unti-unting na-realize ni Bianca kung ano ang nararamdaman niya para kay Isla. Pero masyado nga bang maaga para masabing in love nga siya kay Isla?

Episode 7

Mon, 30 Jun 2025 04:46:02 +0000

Pumunta si Tala sa practice ng volleyball team para suportahan si Isla. Ikinagulat iyon ni Isla maging ng mga kasamahan niya. Habang tinutulungan ni Isla ang team sa kanilang bagong posisyon, napansin ni Tala ang kakaibang kilos ni Bianca. At nang sabihin niya ito sa kapatid niya parang si Tala lang ang nakakahalata sa kung ano ang tunay na nararamdaman ni Bianca sa kanyang kapatid.

Episode 6

Mon, 30 Jun 2025 04:39:40 +0000

Alam ni Bianca na marami siyang kahinaan pero hindi niya inaasahan na makakakuha rin siya ng suporta mula sa kanyang teammates, lalo na kay Isla. Sa kabila ng mga nakakahiyang sandali, natutunan ni Bianca na ang pagiging bahagi ng isang team ay hindi lang tungkol sa laro, kundi sa pagtanggap ng tulong at pagbangon mula sa pagkakamali.

Episode 5

Thu, 26 Jun 2025 07:01:59 +0000

Kitang-kita na naapektuhan si Bianca matapos ang mga pagbabago sa team. Parang nawawala siya sa sarili, pero hindi rin niya kayang sabihin kung bakit. Sa gitna ng lahat, si Isla ang naging dahilan para mas maunawaan ni Bianca ang lahat. And unknown to her, she was beginning to fall for Isla.

Episode 4

Thu, 26 Jun 2025 07:01:17 +0000

May sinusubukan si Coach Lisa na bagong team strategy. Pero hindi tanggap ni Bianca ang kanyang bagong role. Sa kabila ng tensiyon, naging oportunidad ito para kay Isla na patunayan ang sarili bilang bagong setter ng Everwood. Ang resulta? Isang hindi inaasahang one-on-one match with Bianca. Who do you think will win?

Episode 3

Thu, 26 Jun 2025 07:00:28 +0000

Nasubukan ang teamwork nina Bianca at Isla sa practice, pero isang aksidente ang nagbukas ng pagkakataon para kay Bianca na tulungan si Isla. Habang nagiging mas pamilyar sila sa isa’t isa, napansin ng buong team ang kakaibang chemistry nila, at di maiwasan ang biruan. Sign kaya iyon na may pag-asa si Bianca kay Isla?

Episode 2

Thu, 26 Jun 2025 06:59:14 +0000

Sinusubukan bumawi ni Bianca matapos ang awkward na first meeting nila ni Isla. Kasabay nito, unti-unting nagiging pamilyar si Isla sa kanyang mga bagong teammates. Pero may misteryosong dahilan kung bakit tila “not available” si Isla. At habang sinusundan siya ni Bianca, naging palaisipan kung sino ang babaeng kasama ni Isla.

Episode 1

Thu, 26 Jun 2025 06:58:14 +0000

Sa unang araw ng training, ipinakilala ang mga bagong recruit ng volleyball team, kabilang si Isla, ang reserved pero talented player na agad na nakakuha ng atensyon ni Bianca, ang team captain. Pero hindi madaling kaibiganin si Isla. Ano kaya ang gagawin ni Bianca para mapalapit kay Isla?

Fair Play Trailer

Thu, 26 Jun 2025 06:56:41 +0000

Sa mundo ng college volleyball, bawat spike, set, at puntos ay mahalaga. Pero para kina Isla, ang determined na baguhang setter, at Bianca, ang eleganteng middle blocker, may iba pa silang haharapin bukod sa laro. Bianca started falling for Isla the moment she met her. Pero hindi lang naman kasi si Bianca ang may gusto kay Isla. Nandiyan rin si Lance, ang childhood friend ni Isla, na biglang umaamin ng kanyang nararamdaman. Sino kaya ang posibleng manalo? At masasabi kaya natin na all is fair in love?