माझे चित्त स्थिर करी

दयासागरा करुणाकरा प्रेममूर्ती कृपा करी

माझे चित्त स्थिर करी

ज्ञानसागरा सत्यवक्त्या अज्ञानहर्त्या कृपा करी

माझे चित्त स्थिर करी

सगुणमूर्ती हरीस्वरूपा सत्य ईश्वरा कृपा करी

माझे चित्त स्थिर करी

दत्तरूपे कार्यकर्त्या स्फूर्तीदात्या कृपा करी

माझे चित्त स्थिर करी

नित्यनूतन नित्यानंदा सदानंदा कृपा करी

माझे चित्त स्थिर करी

तव चरणी मम चित्त जडवुनी मम ह्रदयी तू वास करी

माझे चित्त स्थिर करी

तव प्रेमी मज पूर्ण बुडवुनी मम प्रेमा वाहते करी

माझे चित्त स्थिर करी

सकल कर्त्या धर्त्या दात्या अभंग मजवरी कृपा करी

माझे चित्त स्थिर करी

।। हरी ओम तत सत परमानंद ।।

By Dattaprasad Joshi

तव प्रेमाच्या मज लागो छंदा

इथे सगुणरूप उभा देवराया

शरण शरण शरण श्रीगुरुपाया

तोच करी सबळ भेदण्या आपदा

प्रभू परमानंदा प्रभू परमानंदा

तो प्रेमाने दावी सत्य ईश

तो संभ्रमाचे उतरवी विष

स्पष्ट बोधाने मोडी मनाच्या फ़ंदा

प्रभू परमानंदा प्रभू परमानंदा

परमानंदासी जोडुनी रहावे

परमानंद चरणी प्रेम वाहवावे

कृपा करी अभंग आनंदकंदा

प्रभू परमानंदा प्रभू परमानंदा

।। हरी ओम तत सत परमानंद।।

गुरुवरा वरदान हे प्रेमे मज द्यावे ।

हृदयी माझ्या नित्य राहूनी पदी मजसी ठेवावे ।।धृ.॥

हृदयमंदिरी तुझी प्रेममूर्ति । नित्य जागवी तुझीच प्रीती ।

त्या प्रेमाचा अनुभव घेण्या पदी तुझ्या यावे ॥ 1 ॥

प्रेमरूप तू प्रेम माझेवरी । प्रेम माझे तव रूपावरी ।

प्रेमावरती प्रेम जाऊनी प्रेमी त्या बुडावे ॥ 2 ॥

अनुभव तुझा तू प्रगटविसी । अज्ञानासी पूर्ण हटविसी ।

ज्ञानप्रकाशी तव हृदयीच्या प्रेमासी पहावे ॥ 3 ॥

स्वरूप तूझे आनंदघन । लाविसी मज ते अनुसंधान ।

सर्व वृत्ती सर्व भाव तव भजनी लागावे ॥ 4 ॥

भक्तहृदयी श्रीगुरुमूर्ति । गुरुपदी प्रेमे जडली भक्ती ।

परमानंदावरती प्रेम नित्यचि वाढावे ॥ 5 ॥

देवा तुझे प्रेम आम्हासी पावे ।

प्रिय आम्हा ते व्हावे ॥धृ.॥

भक्त तुझे आम्ही साधे ।

परि तू रमसी अमुच्यामधे ।

प्रेम तुझे तूचि द्यावे ॥1॥

आम्हा सखा तू म्हणतोसी ।

सख्यत्व परि तूचि देसी ।

प्रेम तुझे तूचि घ्यावे ॥2॥

कार्यरूपे तू पुढे धावसी ।

आम्हा संगे प्रेमे ठेवसी ।

भक्तिमार्गे तूचि न्यावे ॥3॥

आम्ही धन्य तुझ्या पायी ।

स्थान तू देसी आम्हा हृदयी ।

प्रेम तुझे जाणावे ॥4॥

देवाचे या प्रेम न्यारे ।

अपुल्या भक्ता देऊनी सारे ।

परमानंदी रमवावे ॥5॥

देवभक्त प्रेमे संलग्न जाहले ।

राहुनी वेगळे एकरूप ॥ 1 ॥

प्रेमाचे स्मरण असे अकारण ।

होई वर्धमान प्रतिक्षणी ।। 2 ॥

एकमेका नित्य प्रियचि करिती ।

जाणुनी असती परस्परा ॥ 3 ॥

देवाचे ते कार्य भक्तांचे जीवन ।

त्याचे व्यवधान एकमेका ॥ 4 ॥

देवभक्त हृदी प्रेमाने संलग्न ।

परमानंदी मग्न सर्वकाळ ॥ 5 ॥

भक्तप्रेमापोटी भक्तभावासाठी ।

भक्ताठायी देव नित्य राहतो आहे ॥ धृ, ॥

अनासक्त हा विरागी । परि भक्त अनुरागी ।

भक्ताकडे प्रेमभरे पाहतो आहे ॥ 1 ॥

भक्तप्रेम भरले अंगी । सदा भक्तप्रेम भोगी ।

भक्तप्रेम सेवनाने तोषतो आहे ॥ 2 ॥

रमे भक्तप्रेम संगी । भक्तप्रेम कथा सांगी ।

भक्तप्रेम रंगाने हा रंगतो आहे ॥ 3 ॥

देव भक्तप्रेम प्रसंगी । रंगे परमानंद तरंगी ।

भक्ताचा हा देव महणुनी शोभतो आहे ॥ 4 ॥

हा देव त्याच्याचि प्रिय भक्तांचा ।

जसा भाव ज्याचा तसा देव त्याचा ॥ धृ. ॥

जया भेटी ओढ देवप्रेमापोटी ।

तया वाटे देव प्रेम घेण्यासाठी ।। 1 ॥

जया ठायी देवप्रेमाचि भरला ।

तया जाणवे देव प्रेमभुकेला ॥ 2 ॥

जया अंतरात असे देवप्रीती ।

तया देव दिसे जणू प्रेममूर्ति ॥ 3 ॥

जया नित्य हवा देवसहवास ।

तया हादयी देव करितो निवास ॥ 4 ॥

भक्तह्रदी देव पूर्ण जाणीवेचा ।

अनुभव एकचि परमानंदाचा ॥ 5 ॥

सुंदर सुंदर सर्वही सुंदर ।

देवप्रेमे अंतर भरता हो ॥1॥

सुंदर तो सूर सुंदर तो ताल ।

संगीताचा मेळ जमता तो ॥2॥

सुंदर ती वाट सुंदर ती चाल ।

योग्य वाटचाल होता तो ॥3॥

सुंदर श्रवण सुंदर लिखाण ।

देवापदी मन जडता हो ॥4॥

सुंदर कीर्तन सुंदर निरुपण ।

भक्तिआचरण घडता हो ॥5॥

भक्तालागी देव सुंदरपणे छान ।

परमानंद दृष्टीने पाहता हो ॥6॥

मूर्त प्रेमानंद प्रभू परमानंद

अज्ञ मतिमंद मनी सदा द्वंद्व

त्यां सेववी मकरंद ईश्वरी प्रेमाचा

प्रेममकरंदाची लावूनिया गोडी

हळूहळू तोडी निरगाठी मनाच्या

दावी सत्य ईश हृदयीचा परमेश

ना उरवी लवलेश व्यर्थ कल्पनेचा

सगुण सद्गुरू तोचि तो श्रीहरी

दावी याची परी आपुल्या जीवनाने

स्वानुभवाचे देऊनिया बीज

करी तजवीज कल्याणाची आमुच्या

प्रभू हाचि शंकर सदा शुभंकर

शिवरूप भास्कर नुरवी वार्ता दिवसरात्रीची

- दत्तप्रसाद जोशी

सद्गुरु प्रभू नित भज रे मन तू भज रे

तो अज्ञ जीवांसी ईशरूप पाहे रे।

सद्गुरु प्रभू नित भज रे मन तू भज रे

तो द्वारी आल्या चरणी ठाव देई रे।

सद्गुरु प्रभू नित भज रे मन तू भज रे

तो चरणी आल्या प्रेमे हृदयी धरी रे।

सद्गुरु प्रभू नित भज रे मन तू भज रे

तो प्रेमे सत्य ईश्वरा दावी रे।

सद्गुरु प्रभू नित भज रे मन तू भज रे

तो हात धरोनी भक्तीपंथा लावी रे।

सद्गुरु प्रभू नित भज रे मन तू भज रे

तो पाऊल चुकता पडता मार्गी सावरि रे।

सद्गुरु प्रभू नित भज रे मन तू भज रे

तो अंतर प्रेमे भरुनी वाहवी रे।

सद्गुरु प्रभू नित भज रे मन तू भज रे

तो जीवन आनंदाने भरी रे।

सद्गुरु प्रभू नित भज रे मन तू भज रे

तो राम कृष्ण दत्त सगुणरूपे रे।

सद्गुरु प्रभू नित भज रे मन तू भज रे

तो परमानंद अभंग प्रत्यक्षची रे।

Krutartthachi Chal

Ani Krutagnyatachi Chal

जय जय परमानंद

हरी परमानंद

मना परमानंद

छंद धरी।।

दाता परमानंद

त्राता परमानंद

मना परमानंद

छंद धरी

श्रुती परमानंद

धृती परमानंद

मना परमानंद

छंद धरी

नीती परमानंद

प्रीती परमानंद

मना परमानंद

छंद धरी

गुरू परमानंद

तारू परमानंद

दृढ परमानंद

चरण धरी

मना परमानंद

छंद धरी।।

हरी ओम तत् सत परमानंद।।

हे वरद विनायक प्रभू

सुखदायक दुखभंजक

कार्यरूप दत्तमूर्ती

प्रेम भक्ती ज्ञान दायक

सकलांसी ईशरूप

पाहे तो दयानिधी

चरणांसी ठाव देई

परमकृपेचा उदधी

भक्तिसाठी विठुरूपे

कटी कर घेऊन उभा

आंनदकंद परमानंद

चैतन्याचा गाभा

हे वरदविनायक प्रभू

हे अवधूत दत्तप्रभू

हे सद्गुरूनाथ प्रभू

हे परमानंद प्रभू!!

  🙏🙏🙏

Gayan - Shri Dattaprasad Joshi

परमानंद हरी, जय जय परमानंद हरी | भव भय हारी, दुःख निवारी, सर्व जीवां जवळ करी || परमानंद हरी जय जय...|| सर्व जीवां ह्रदयी धरी, जीवोद्धारक कार्य करी || परमानंद हरी जय जय.. || भाविकतेसी वाव देऊनी, भाविकां दे उभारी ||परमानंद हरी जय जय.. || प्रेम वर्षवूनी, प्रेमी भिजवूनी, जीवां स्नेहांकित करी ||परमानंद हरी जय.. || महात्म्य गाऊनी, थोरवी ठसवूनी, भक्तीसि प्रेरीत करी || परमानंद हरी जय जय.. || साद घाली, बाहू पसरी, प्रेमी भक्तां उरी धरी || जय जय.. || प्रेमालिंगन भक्तां देता, उरी उठती आनंद लहरी || परमानंद हरी जय जय.. ||

प्रेम नाद घुमे, नित्य श्रोत्रांमध्ये | भुकी श्रवणाते, करीतसे ||

प्रेम स्पर्श त्याचा, गात्र गात्र स्मरती | सर्वांगे आसुसती, अनुभवा ||

प्रेमालिंगनाने, आनंद लहरी | आतुरता उरी, आलिंगना ||

परमानंद देव,.प्रसन्न ते ध्यान | धावे तन मन, भेटीसाठी ||

जय परमानंद प्रिय परमानंद

गुरुवरा वरदान हे प्रेमे मज द्यावे ।

हृदयी माझ्या नित्य राहूनी पदी मजसी ठेवावे ।।धृ.॥

हृदयमंदिरी तुझी प्रेममूर्ति । नित्य जागवी तुझीच प्रीती ।

त्या प्रेमाचा अनुभव घेण्या पदी तुझ्या यावे ॥ 1 ॥

प्रेमरूप तू प्रेम माझेवरी । प्रेम माझे तव रूपावरी ।

प्रेमावरती प्रेम जाऊनी प्रेमी त्या बुडावे ॥ 2 ॥

अनुभव तुझा तू प्रगटविसी । अज्ञानासी पूर्ण हटविसी ।

ज्ञानप्रकाशी तव हृदयीच्या प्रेमासी पहावे ॥ 3 ॥

स्वरूप तूझे आनंदघन । लाविसी मज ते अनुसंधान ।

सर्व वृत्ती सर्व भाव तव भजनी लागावे ॥ 4 ॥

भक्तहृदयी श्रीगुरुमूर्ति । गुरुपदी प्रेमे जडली भक्ती ।

परमानंदावरती प्रेम नित्यचि वाढावे ॥ 5 ॥