Makarrizketak

Hain urruti, hain hurbil - Eneko Fernandez

Wed, 17 Dec 2025 17:52:36 +0000

Eta hemen gaude, pantailari so. Irudi honek ederki laburbiltzen du nik bertsoarekiko eduki dudan harremana, orain hurbil, orain urruti, orain urruti, orain hurbil…

Maitasun-gorroto harreman bat izan delako bertsolaritzarekin ttikitatik bizitu dudana.

Lagunarteko bertsolaritza espontaneoa - Maddi Sarasua

Wed, 10 Dec 2025 08:49:50 +0000

Bereziki jaioak direnak eta denbora eskaintzen diotenak argitan egoteak adierazpide kultural bat indartzen lagundu dezake. Baina zein bizindar dauka horiez aparteko jendearen bizitzetan adierazpide horrek? Jaso soilik egiten du gehiengoak ala adierazpide moduan erabili ere bai? Nik uste adierazpide kultural baten osasuna neurtzeko, begirada hor ere jarri beharra dagoela, eta agian bereziki hor.

Neure kolkorako - Xabat Galletebeitia

Tue, 25 Nov 2025 12:15:10 +0000

Bertsolaria da, beti hala sentitu izan ez bada ere. Eskolarteko bat-bateko txapelketa irabazi osteko urtean utzi zuen bertsoa, lehenengoz. Batzuetan, bigarren aldiarekin fantaseatzen du. Ez daki zergatik baina lehen baino sarriago begiratzen du atzera. 14 urterekin bertsoa utzi zuen mutikoa ikusten du bertso eskolan bere lekua ezin aurkituta, eta diapositibak datozkio bata bestearen atzetik jarraian.

Gogoratu da nola itzuli zen bertsotara 21-22 urte zituenean. Nola irteten zen plazara hasierako garai haietan. Nola, non, noiz eta norekin. Batez ere, azken hori. Oso oroitzapen onak ditu, abestutakoak entzunez gero lotsagorritu egingo litzatekeen arren; badaki-eta orduan kantatu zituen zenbait gauza ez lizkiokeela gaur egungo bere buruari onartuko, ezta lagunei ere.

Ze nezesidade? - Oihana Iguaran

Tue, 18 Nov 2025 13:08:58 +0000

Pentsatu duzu sekula zergatik zabiltzan bertsotan?

Ez, ez naiz hasieraz ari, ezta euskara klase monotono hura bi astez behin jolas bilakatzen zuen bertsolaritza irakaslearen eraginaz ere; ez dizut galdetu bertso eskolan zebilen ezagun hark taldera gonbidatu zintuenekoaz ere.

Bertso eskolako ibilbideak bere dituen erronka eta zailtasunez gaindi diot, bertso eskolako kideek futbolaren, pilotaren edo musikaren aldeko hautua egin zuten bitartean, zergatik eutsi zenion zuk asteroko hitzordu hari?

Errepaso bat - Jokin Uranga

Tue, 11 Nov 2025 12:54:26 +0000

1994. urtea zen. Nik 14 urte nituen, aspaldi. Garai hartan ere gauza asko egingo nituen, noski, baina oroitzapenik gozoenak bertsoak dakarzkit. Ordurako, gure aita zenarekin, hamaika bertso kantatua nintzen kotxean, etxean bazkalorduetan, afalorduetan, ama eta arreba nazkatzeko lain bai, behintzat.

Distantziara eraikitako harremanak - Peru Abarrategi

Tue, 04 Nov 2025 11:00:33 +0000

Ez dakit zergatik, norbaiten prismatikoetatik begiratuta makarra bat naizelako edo hiztun ona baino, berritsua naizelako, baina hemen nauzue. Peru, zuk hitz egin lasai bertsolaritzari buruz esan zidaten, hamar urte ingururekin ezagutu nuen bertsoa, izango dut zerbait kontatzeko pentsatu nuen nire baitan.

Erantzun baten galderak - Irati Alcantarilla

Tue, 28 Oct 2025 11:00:12 +0000

Nire burua galdera erantzun horien guztien artean bizi zen unean, diskurtsiboki oso kokatuta, baina, bertsoak dakartzan galdera guzti horien artean zalantzati nengoen momentuan, duela 18 hilabete 3 aste eta 9 egun zehazki, nire inteligentzia artifizialak “boom” egin zuen. Nire buruak deskantsu bat hartzea erabakia zuen, nirekin kontsultatu gabe noski…

Espektatibak - Iruri Altzerreka

Tue, 21 Oct 2025 10:00:51 +0000

"Mundu honetan bi oinak pausatu orduko, ingurukoek uste eta espekulazioz ezaugarritzen gaituzte: ume hori bertsolaria izango da, amaren gisa; begi urdin-urdinak izango ditu; adimen-koziente altua izango du, ezinbestean… Kasualitatez baten bat asmatuz gero, ordea, profeziaren tankera hartu ohi diogu, magia beltza tarteko. Profeziatik gutxi du, baina. Testuinguru eta baldintza materialekin zerikusi handiagoa duelakoan nago"

Bakarrizketak eta bertsoak. GuGuGu - Maddalen Arzallus

Mon, 04 Nov 2024 05:00:00 +0000

Benetan diotsuet ez dela intentzioz egina izan. Baina Makarrizketak podcasterako bakarrizketei buruz hitz egitea erabaki dut.

Aurrekoan Antton Telleriaren emanaldi berria gozatzen izan nintzen Iruñean. NiNiNi. Ordu eta laurden bere buruari buruz hizketan, eta pentsa, labur egin zitzaidan. Tira, bere buruaz, eta bertsolarioi buruz ere bai. Kontua da, hasterako egurra ematen digula; hasierako agurrik gabe. Eta jende guztia barrezka. Eta nola ez, nik ere defektu profesionala dudanez, NiNiNi, nire bertsolari begininiekin aztertu nuen: zertan dugu antza bertsolariok eta bakarrizketalariek? Eta zertan gara desberdinak?

Irudimena - Aitor Bizkarra

Sun, 27 Oct 2024 05:00:00 +0000

Gogoa, mens, psique, anima, res cogitans... modu askotan esaten zaio, baina zer da gogoa delako zer hori?

Gogoa, kontzeptu filosofikoa da eta giza-ahalmen jakinen sare korapilatsuari egiten dio erreferentzia, hala nola: nahimena, hautematea, adimena, sinismena eta irudimena (edo imajinazioa).

Bertsotan ari garenean ere, gogoaren ahalmen gehientsuenak jartzen ditugu martxan. Dena den, nik gaur irudimenari heldu nahiko nioke, historian zehar hainbeste artista eta filosofo txundi-txundi utzi dituen horrixe: Humek arimaren ahalmen magikotzat jo zuen irudimena, eta Kantek esan zuen arimaren sakoneneko arte ezkutua dela.

Bertsolari New Yorken - Igor Elortza

Mon, 21 Oct 2024 04:00:00 +0000

Euskaldunok askotan entzun dugu bidaiatzeak norbere hizkuntza, kultura eta herriarekiko lotura txikitzen duela diote. Ez dakit ba nik. Ez dakit Anonyme Popular proiektuarekin AEBetan egindako biratxoa eta gero, bertsoarekiko lotura txikitu eta handitu egin zaidan. Berritu egin zaidala esango nuke.

Hemezortzi urteko Ainhoari - Ainhoa Agirreazaldegi

Mon, 14 Oct 2024 04:00:00 +0000

Hemezortzi urteko Ainhoari hitz egiterik banu, bertsotan jendaurrean hasia zen Ainhoari hitz egiterik banu, esango nioke...

Bertso saioak nork antolatzen dituen - Irati Majuelo

Mon, 07 Oct 2024 04:00:00 +0000

Etorri bezala badoaz udako egunak, iritsi da iraila, eta ezustean, Bardoak ere hasi dira kantuan Nafarroan. Pandemia garaitik erdizka jokatu eta erdizka ospatu ostean, aurten bete-betean hartuko du plaza taldekako txapelketak. 13 talde eta 91 parte-hartzaile, ez dira gutxi jendaurrera bertsolari berriak tantaka sortzen dituen herrialde batentzat.

Galderak - "Abarkas"

Mon, 30 Sep 2024 04:30:00 +0000

Galderak? Bai, galderak. Erantzun bat jasotzeko egiten dira normalean. Normalean? Beno, batzuetan erantzuna jakinda ere egiten ditugu, gizakion gauzak….

Su pizte txikiak - Asier Aspiroz

Mon, 23 Sep 2024 04:00:00 +0000

Umetako oroitzapen lauso bat: Lasarteko kalean baserritar bat marmitekin zihoala kaleko ibiltari batek sua piztu zuen:

“Zer habil Txomin, letxero?”

“Bai, esnea partitzen etxero.”

Galde erantzun horren eta tankerakoen atzean dagoen unibertso osoak erakarrita hasi nintzela esango nuke, bertsoak berak tirata baino gehiago.

Gallendu zaio sasiya

Fri, 22 Dec 2023 08:27:07 +0000

Josu Goikoetxeak joan den udaberrian, eguzki-argiak gauzak zehatz erakusten dituen sasoi horretan, buruko muinen zentruan instalatu zitzaidan txio bat idatzi zuen. Hala zioen, hitzez hitz: “Hipotesi eroa: Txirritarena omen den 'Hil da Cánovas' izeneko bi bertsoko sorta... apokrifoa da”.

Dadoa

Tue, 19 Dec 2023 09:01:05 +0000

Hamaika aldiz entzun dugu, txapelketetako hasierako agurretan batez ere, bertsoak eta matematikak ez dutela zerikusirik eta ez dakit ados ote nagoen.

Lokatz Loreak

Fri, 15 Dec 2023 11:31:38 +0000

Kaixo gu Araitz Katarain, Janire Arrizabalaga eta Izaro Bilbao gara eta Lokatz Loreak sormen taldea osatzen dugu. Askotan aipatu dugu, gure proiektuaren oinarria bideak eta lekuak direla, beraz, beste ezertaz hitz egiten ez dakigunez, horretara gatoz.

Izendun sobreak

Tue, 12 Dec 2023 13:23:10 +0000

Badira bertsolari bakoitzak antolatzailearekin bere aldetik hitz egindako saioak ere, eta ai, hor komeriak sortzen dira...

Hitz egin dezagun sobreez.

Maddi eta oreina - Amaia Elizagoien eta Irati Celestino

Wed, 23 Nov 2022 08:58:15 +0000

Ipuin kontalariek bertsoz osatutako balada zahar bat erreskatatu eta atzean dagoen historia kontatu digute... baita abestu ere.

Mixel Etxekopar - Inprobisazioaz bi hitz

Wed, 16 Nov 2022 08:47:29 +0000

"Zeren musikaria bezain bertsularia ere gorde, disimulatu daiteke bere teknikaren gibelean, eta behar orduan xakur hezia bezala berea ateratzen, garbi, garbiegi agian. Behin kontserbatorio buru bati entzun nion inprobisaketa zela norbere ekipajea ur batzeterrean utzi eta urera jauzi. Nik erantzun nion ausardiaz, bat batean, enetzat alderantziz zatekeela, ekipajea urera bota eta ibiltzen jarraiki…"

Beñat Lizaso - Konparaketak

Wed, 09 Nov 2022 09:41:10 +0000

Makarrizketak podcastaren hirugarren atala Beñat Lizasoren eskutik.

"Iritsi da garaia atea izteko, eta giltzaz ixteko gainera"

Aner Peritz - Nori kantatzen gaituzte?

Wed, 02 Nov 2022 06:00:00 +0000

Makarrizketak podcastaren hirugarren denboraldia ireki du Aner Peritzek. Galdera asko planteatu dizkigu... baina berak ez daki, e.

Unai Iturriaga - Beldurra

Mon, 18 Oct 2021 11:30:00 +0000

Makarrizketaken bigarren denboraldia amaitzeko Unai Iturriaga etorri da pertsiana jaistera, eta bere beldurrez mintzo zaigu.

Uxue Alberdi - Kontatzea entzutea da

Mon, 11 Oct 2021 07:00:00 +0000

"Bertsoa sortzen ari den momentuan bertsolariak ezin du bere sorkariaren asmo intelektuala eta estetikoa kontzienteki erabat kontrolatu, are gutxiago erritmoa arrazionalizatu. Askatu egin behar du kontrol hori bertsoak korritu dezan. Baina dantzariak badaki oina non jarri behar duen, idazleak badaki non jarri behar duen koma bat; bertsolariak asmatu behar du non askatu hitz bakoitza, zarata gutxirekin eta, ttak, dagokion lekuan pausatu. Baina, jakina, dantzariak entseatu egiten du, idazleak ezabatu, bertsolariaren kasuan bat dira proba eta emaitza"

Erika Lagoma - Bortz

Mon, 04 Oct 2021 06:55:00 +0000

"40 urteko nobato aurrez ikusitakook agurra dutxan pentsatzen dugu, eta ez bada hala, malo…. saio ostean liseriketa aparatuak lan eskerga izanen du.

Bai, ernegatuta nago atzoko saioa ez zelako ongi joan, eta aunitzek euskal twitterren bezainbertze sufritu nuelako, pikotza eta pala, pikotza eta pala. Eta behazuna bere lana egiten ari da. Eta azken momenturako utzi dudan potcast honetan ez nekielako zein gai burutsuz hitz egin, eta momentuan bizi dudanaz egitea erabaki dudalako. Mindfulness. Hemen eta orain".

Odei Barroso - Errimaren ertzetan

Mon, 28 Jun 2021 06:00:00 +0000

Bertsolarien biblia moduko bat izan da, errimari dagokionez, Xabier Amurizak idatzi zuen "Hitzegi Errimatua". Odei Barrosoren iritziz arauak estu betetzera ohitu dira bertsolariak, eta horrek segurtasun moduko bat ematen du. Denok ulertu dugu, urteen eta praktikaren poderioz, zer den errima ona eta zer errima txarra. Baina ba al da errima onik eta txarrik? Beste hizkuntza batzuetan errima ulertzeko malgutasun handiagoa daukate, eta Barrosoren iritziz, bide horretan hemen ere pausoak emango bagenitu asko aberastuko litzateke bertsolaritza bera.

Arrisku gutxi hartzen dira errimari dagokionez. Errima ekartzeko dugun modu aski mekaniko horrek ere, agian, errimaren arloari sortzaile izateko funtzioa kentzera eraman gaitu.

Kontsonanteen eta bokalen rola, multisilabikoen indarra, semantikotasunak sortzen dituen indarguneak... Errima zabal hartzeak gehiago harritzeko aukera eman dezake.

Eraman ditzagun errimatzeko moduak ertzetara, belarriari lekua utziz.

Amets Arzallus - Bertso sortez bi gogoeta

Mon, 28 Dec 2020 09:44:18 +0000

Bertsogintza ia erabat bat-bateko jardun gisa ulertzen den garai hauetan, bertso jarriek zer leku duten galde liteke. Zer leku duten baino gehiago, zer funtzio betetzen duten, eta funtzio horren araberako lekurik ba ote duten...

Oihana Bartra - Bertsgol

Mon, 21 Dec 2020 07:30:00 +0000

Makarrizketak podcastaren hirugarren alea.

Ez jarri urduri. Oihana Bartrakk ez digu nesken gauzez, "txikikeriez", hitz egingo. Santutxuarrari gauza totxoez hitz egitea gustatzen zaio. BERTSOLARITZA eta FUTBOLA dakartza gaurkoan. Horrela, hizki larriz.

Fredi Paia - Egoa ebaki banio

Mon, 14 Dec 2020 07:38:59 +0000

Bertsolari aldizkariaren podcasta da Makarrizketak, eta bigarren atala Fredi Paiaren eskutik datorkigu. Gai mamitsua jorratu du Fredik bere bertsolari ikuspegitik: EGOA. Zer da egoa? Zer norberatasuna?

Musika

"Aone", Oreka TX
"Txikia", Oliba Gorriak
"Txoriak txori", Mikel Laboa
"Ez da posible", Ruper Ordorika
"Seikilos Epitaph with the Lyre of Apollo", Lina Palera

Andoni Egaña - Baina bertsolaririk ez

Fri, 06 Nov 2020 12:21:57 +0000

Sevillan (Andaluzia, estatu espainiarra) abiatuko den ibilaldi batetik Andoni Egaña galdera bat erantzuten saiatuko da: zer da bertsolari bat?