Noudat ons twee wedrenne diep in die seisoen is, is een ding verseker - ons het geen idee hoe hierdie seisoen gaan uitdraai nie. Gaan Mercedes enigsins kan terugkom van hul enjin-kwale af? Is die Red Bull karre regtig so vinnig soos die rooi gevaar van Ferrari? Gaan die Australiaanse staat die aaklige Alpine-livery se terugkoms verban as gevolg van gevaar dat kykers verblind gaan word? 

Dit alles en meer op Agterblad.

Luister gerus na Hendré en Francois se ontleding van die eerste wedren van die 2022 seisoen. Ons bespreek alles, van die eerste indrukke van die verskillende spanne, tot die grootste verassings, teleurstellings en frustrasies. Ons waag selfs 'n paar blikke in na die toekoms. 

Het Ferrari nog teruggehou met hulle vuurpyl van 'n enjin? Is Mercedes se doppie vir hierdie seisoen geklink? Gaan Red Bull hierdie jaar enigsins 'n wedren klaarmaak? En hoe op aarde is Kevin Magnussen so vinnig?

Luister gerus na Francois en Hendré se beste pogings om te probeer voorspel wat hierdie nuwe era vir ons gaan inhou. Daar is 'n paar gedagtes wat sinmaak (in ons oë ten minste), sowel as 'n paar wilde voorspellings wat daar buite gegooi is wat elke bookie 'n behoorlike hoofpyn sou gee. 

Praat met ons! Ons wil hoor wat ons luisteraars te sê het. Gaan Lewis die kampioenskap hierdie jaar terugwen? Gaan Red Bull weer die span wees om te klop? Gaan hierdie die seisoen wees waar Hendré uiteindelik sy Ferrari merch vir eens en altyd ophang? En wat op aarde het 'n porpoise (die minder geliefde neef van 'n dolfyn) te doen met 'n F1-kar?

Luister gerus na die menings van drie pseudo kunsgeleerdes soos ons die 2022 groep van F1-motors se fynere ontwerpspunte noukeurig ontleed en bepunt uit 10. Daar is kontroversie, spanning, geluk, vreugde en teleurstelling (die Louvre se kunsmeesters sou trots wees). 

In verdere nuus bespreek ons ook die mees onlangse krieketverwikkelinge in Nieu-Sealand waar die Proteas terug gebons het om hul toetsreeks gelykop te speel, sowel as verlede naweek se ontleding van die 6 Nations rugby-kampioenskap, en ons plaaslike- spanne se vertoning in die URC.

Die futlose kolfvertoning word oor die kole gehaal, met die veranderinge in die toporde wat nie die gewensde effek gehad het nie. Verder word die boulers se duur lopietempo ook betreur en voorstelle oor wat moet verander in die oploop na die tweede Toets word gegee.

Die nuus dat FIA as’t ware ‘n kabinetskommelling gehad het met nou voormalige resiesbestuurder Michael Masi wat uit sy pos onthef is, word ook gedek. Dié skrif was natuurlik lankreeds aan die muur na die laaste rondte van die 2021-seisoen. Daar word gekyk na die voorgestelde veranderinge aan die resiesbestuur, sowel as die nuwe reëls wat intree in 2022. Die span gee dan hul menings oor wie tot dusver die beste motor bekend gestel het.

Laastens word die Premierliga se skokkende naweek geanaliseer, met 'n titelresies nou weer op die kaarte na Spurs se oorwinning teen voorlopers Man City.

Dit en nog vele meer op die week se episode van Agterblad!

Verder word die Haaie se terugbons wen teen die Bulle bespreek, veral die rooi kaart van Morné Steyn wat die wedstryd geswaai het. Die Haaie se spel word verder onder die kollig geplaas, en of die resultaat 'n katalisator is vir vorm vind.

Die IPL-Auction word onderlig en 'n voorskou word gegee vir die Proteas se twee-toetsreeks teen Nieeu Sealand.

Baie om te bespreek in 'n gepakte episode van Agterblad!

Eerste word die Ses-Nasies se openingsnaweek onder die kollig geplaas, met Skotland se oorwinning oor die Engelse die uitblink-oomblik van die naweek. Daar word verder gekyk na die Bokke se 2023-Wêreldbeker-groepsmaat Ierland se vertoning teen 'n verpletterde Walliese-span. Frankryk se stadig begin teen Italië word uitgelig, met verdere debat rondom of hul uiteindelik kan oplewe na hul hoë verwagtinge.

Dan word daar gesels oor die URC-uitslae van die naweek, waar die Stormers aanhou verbaas met hul oorwinning oor 'n Haaie-span wat sukkel onder die druk van gunstelinge wees. Daar word bespiegel of hierdie Stormers span werklik die mas kan opkom en kwalifiseer vir die Kampioenebeker volgende seisoen, en of die Bulle onderskat word na hul oorwinning teen die Leeus.

Dit, saam met die Telbord en ons Hoek van Helde, maak dit 'n uitstekende episode vir enige rugby fanatikus!

Verder word daar gesels oor die terugkeer van die URC, met die Stormers se terugveg-poging teen die Sharks genoeg om vir hulle 'n gelykop-resultaat te kry. Daar word gekyk na watter SA-span die beste kans staan om te kwalifiseer vir volgende jaar se Champions Cup toernooi.

Dit en nog vele meer op die Telbord, ons Hoek van Helde en waarna om uit te sien volgende week!

Beslis nie 'n episode om mis te loop nie!

Die manne kom ooreen oor wat die bepalende faktor in die Proteas se wenresep was, sowel as die impak van Dean Elgar se kapteinskap.

Die twee nuwe name in die span wat die reeks gedomineer het word gevier, sowel as om prys te gee aan die ervare spelers wat met klein bydraes 'n bepalende verskil gemaak het.

Daar word dan verder ondersoek wie die manne is wat moet huiwerig wees vir hul plek verloor, en wie die nuwe name is in die plaaslike reeks wat wag om hul kanse te gryp. 

Tyd word ook gegun om te analiseer (en te lag) oor die Engelse-span se power vertoning in Australië en watter impak die twee reekse het op die uitkoms van die wêreldtoetskampioenskap.

'n Episode propvol analise van die blad af oor 'n opwindende somer van krieket!

Die episode word trots aangebied in vennootskap met @oldschool_sa ! Gebruik gerus ons afslagkode 'Agterblad' vir R100 af op ou volgende aankope op hul webtuiste, waar die jy die beste retro-Rugbytruie en somersdrag kan vind!

2021 was 'n groot jaar vir almal hier by Agterblad. Ons het gegaan van 'n groepie vriende wat veels te veel praat oor sport, tot 'n groepie vriende wat veels te veel praat oor sport - maar die keer neem ons dit op. 

Dit was 'n groot jaar vir sport ook, en hoewel Sports Illustrated se Laureus-toekennings dalk 'n algemene idee kan skep oor wie die beste sportspresteerders was, dink ons dat ons beter kan doen. Dus kondig ons vandag die (debateerbare) nommer een sport-toekenning vandag aan: Die Bladjie. 

Kyk gerus terug na 'n jaar se opwindende sportsgebeurtenisse soos genomineer deur 'n passievolle Agterblad-paneel, waar die top presteerders soos ons Span, Wedstryd en Sportster van 2021 gekroon sal word. Verder, is daar ook bietjie vertroosting vir dié wat gesukkel het in 2021, met ons 'Fraud' van die jaar aanwysing.

Kom vind ook uit hoekom 'n wasmasjien dalk net die beste maatstaf vir enige sport-prestasie mag wees. 

Dankie vir almal se ondersteuning. Ons sien uit vir 2022!

Die toekennings en episode is trots aangebied deur Old School SA! Gebruik die afslagkode 'Agterblad' vir R100 af op jou volgende aankope op hul webtuiste, waar jy die beste retro-Rugbytruie en somersdrag kan vind!

In hierdie episode kan luisteraars uitsien na ‘n bespreking van Suid-Afrika se 21-man groep: watter insluitings en weglatings laat die wenkbroue lig? (2:00-10:30) Dan word daar ook gespekuleer oor hoe die Suid-Afrika (10:50-21:23) en Indië (21:30-36:00) se eerstekeuse elftalle vir die reeks sal lyk. Die kiestoffies wat beide stelle keurders sal moet kou word ook bespreek.

Laastens, word daar bespreek of hierdie Indiese span, met sy befaamde snelkwintet, die beste Indiese span nog is om sy verskyning op Suid-Afrikaanse bodem te maak en die manne se voorspelling van hoe die toetsreeks gaan afloop (36:20-46:08).

In ‘n vakansie waar krieketpraatjies so sinoniem met braaivleisvure soos ‘n tjoppie en ‘n doppie is, is hierdie ‘n gesprek wat jy nie kan bekostig om mis te loop nie!

Hierdie episode is trots aangebied deur Old School SA! Onthou dat jy die kode 'Agterblad' kan gebruik op hul webtuiste vir R100 af met jou volgende aankope!

Die span kom bymekaar kort na die einde van dié fantastiese finale om hulle gedagtes te deel oor Max Verstappen wat die maksimum geneem het van die wedren en die kampioenskap, nadat hy met sy eerste drywerskampioenskap gekroon is Sondagaand in Abu-Dhabi.

Daar is groot debat oor wedrenbestuurder Michael Masi wat vir die tweede agtereenvolgende rondte 'n bepalende rol gespeel het in die wenner van die wedren, na sy flik-flak oor hoe die veiligheidsmotor en sloervervoer bestuur sou word.

Dit het gelei na een van die mees ikoniese oomblikke in F1-geskiedenis, met Max Verstappen wat Lewis Hamilton vir een laaste keer verby gesteek het en saam met dit met die kampioenskap weg gejaag het. Ons span reflekteer (en in sommige gevalle treur) oor dié oomblik en die seisoen wat was, en of dit dien as die verdiende einde aan 'n onvergeetlike kampioenskapstryd.

Dit en nog vele meer gedagtes, menings en debat op die week se episode van Agterblad!

In hierdie spesiale episode van Agterblad Extra Extra! kom die span bymekaar om eers te reflekteer op die historiese seisoen wat plaasgevind het tot dusvêr en terug te blink op die sleutel-oomblikke wat ons gebring het tot waar ons nou staan (0:00-34:15).

Daarna, begin die span hul gedagtes mee te deel oor die naweek wat voorlê: wie bevoordeel die nuwe uitleg van die Abu-Dhabi baan? Watse rol het Max en Lewis' se spanmaats te speel in wie wegstap met die trofee? Kyk ons regtig na 'n herhaling van Suzuka 1990? (34:16-57:32).

Dan word die belangrikste vraag beantwoord aan die einde: wie glo ons stap weg van die 22ste-rondte met die drywerskampioenskap in hand? (57:33-1:02:12).

'n Aksie belaaide episode van Agterblad vir 'n fantastiese F1-finale; nou beskikbaar!

Die heel eerste Saoedi-Arabië Grand Prix is gedomineer deur insidente tussen die twee Kampioenskap protagoniste, met groot vrae gelaat oor die FIA se besluitneming en hul wedren-bestuurder Michael wat die Masi kon opkom nie. Die span gee hul analise oor al dié insidente en waarmee dit ons laat in na volgende naweek se finale.

Verder, word daar saamgepraat oor die Haaie se triomf oor die Bulle, die Stormers se slakkepas rugby wat gestraf is deur die Leeus en waar dit afrigter John Dobson laat. Die waarde agter Jake White se waarskuwing oor die toekoms van plaaslike rugby word ook opgeweeg, en of die nuwe internasionale geskikdheidsreëls aangekondig deur Wêreldrugby moeilikheid inhou vir die Springbokke se talentpoel.

Op die Telbord word vroeë voorspellings gegee vir die naweek se F1 deur ons nuwe kykers en 'n voorsmakie vir die Ashes gebied in Australië

Dit en nog vele meer op die week se episode van Agterblad!

Hoe bepaal mens die beste van alle tye?

Die span stel hul kriteria op waarmee mens sterre van toeka tot nou mee kan vergelyk: van Danie Gerber tot Jean de Villiers, Don Bradman tot AB de Villiers en nog meer.

Met dit in plek, probeer hulle hul eie beste van alle tye lys opstel en tot by die kruks van die saak te kom by sport se grootste vrae: Wie is die beste Protea van alle tye? Die top 5 spelers wat nog ooit die Boktrui gedra het? Wie is nou werklik die beste tussen Ronaldo en Messi?

Verder, word daar op die Telbord gewonder wie van die top SA-Rugby spelers die beste in Netflix se gewildste reeks van alle tye sou vaar.

Dit en nog vele meer in die week se episode van Agterblad!

In vandag se episode word spesiale fokus geplaas op die naweek se ongelooflike rugby. Die Rose se laaste-minuut-strafskop wat die Springbokke gesink het (6:00-28:13) en die Franse Hane wat koning gekraai het oor die All Blacks in 'n Rugbywêreldbeker 2023 openingswedstryd voorskou (28:15-36:45) word in die kollig geplaas.

Verder, word die Qatar Grand Prix bespreek nadat Lewis Hamilton die gaping na kampioenskapsmededinger Max Verstappen na slegs 8 punte gesny het met net 2 wedrenne oor (36:48-50:00).

Op die Telbord debatteer die manne of 2021 beskou kan word as 'n sukses vir die Bokke, wie Ole moet vervang by Manchester United en of Fernando Alonso as een van die beste van alle tye beskou kan word (50:10-1:02:00).

Dit, saam met ons Helde van die Week, 'n blik na die week wat voorlê en nog vele meer op dié episode van Agterblad!

In Van die Blad Af (2:00-5:10) word internasionale rugby resultate, F1-drama, Premierliga breierskuiwe en nuus rondom Bafana se (nou gewese) kwalifiseringspoging gedeel.

In die Losskrum word die betroubare Bokke se voorspelbare wenresep weer bespreek (5:11-23:22). Sterspelers word ook in die kollig gesit, met spesiale eer vir ‘n sekere sosiale media-spesialis. Die wedstryd van die naweek – Ierland se begeesterde triomf oor die All Blacks – word ook kortliks gedek (23:25-30:52).

Anderkant die Tasman-seestraat word daar Doer Onder fees gevier na Australië hul eerste T20-Wêreldbeker teen die Swartpette beklink het. Die manne betreur hierdie wending en loer vinnig na die volgende T20-Wêreldbeker wat volgende jaar in Australië plaasvind (30:53-39:26).

In ‘n resies so asembenemend soos die res van die sportweek het Lewis Hamilton vir nog ‘n #blessed Sondag vir sy aanhangers gesorg. Sy merkwaardige vertoning, opmerklike resiesinsidente en die laaste paar resies in die F1-seisoen word bespreek (39:27-55:02).

Op die Telbord word daar geklets oor krieket se Kiwikoning Kane, die Bokke se kans teen die Rose en waar Brasilië 2021 in Hamilton se nalatenskap inpas (55:03-1:01:55).

Agterblad se Hoek van Helde word geseën met die teenwoordigheid van vurige Iere (1:01:58-1:04:20).

In Beseringstyd tuur ons na die komende week en lig die opwindendste geleenthede uit (1:04:21-1:07:31).

Volg ons op sosiale media en kom sê jou sê op die Agterblad!

In Van die Blad Af word Frankryk se flair-belaaide triomf en ander rugby uitslae van die naweek gedeel. Ons bring jou ook op hoogte van die nuutste verwikkelinge uit die VAE, na ‘n week van dramatiese krieket. Die jongste Premierliga wel- en terugslae word ook gedeel na (nog) ‘n naweek wat Man Utd-aanhangers sal wil vergeet. Laastens, word daar ook nuus uit die wêreld van die krygskunste gedeel, waar Canelo ‘n paar behoorlike houe die naweek gePlant het (4:42-7:47).

In die Losskrum word die Springboksege in ‘n sopnat Cardiff teen die welmoedige Walliesers geanaliseer (7:50-24:35). Die tweede gedeelte van die Losskrum geniet ‘n meer gewyde atmosfeer waar die manne saampraat en -treur oor ‘n Protea-poging wat net té min té laat was om die knoop deur te hak (24:36-40:40). Na ‘n moeilike naweek vir rooi spanne, kon Max darem die Rooi Bulle se gemoedere lig met ‘n skittersege in Meksiko wat meer en meer druk op Lewis laai (40:42-51:41).

Op die Telbord word Frans Steyn se plek as Bok-legende en #mainSteyn bespreek. Die plek van die Wes-Indiese T20-span in die annale van geskiedenis en die kompeteerders vir die vierde plek in die Premierliga word ook gedebateer (51:50-1:00:20).

In die Hoek van Helde kry ‘n briljante Bokverdediger, die Universe Boss, die flambojante Franse en die avontuurlustige Argentyne, asook ‘n spesiale Serwiese tennisspeler die geleentheid om vereer te word 1:00:21-1:04:00).

Vir dít, en nog baie meer, skakel gerus in by Agterblad elke Maandag. Volg ons ook op sosiale media en kom sê jou sê saam met ons!

Instagram: @agterbladpotgooi

Facebook: Agterblad

In die Losskrum word die Proteas se puiksege teen die Sri-Lankane ontleed en die manjefieke Miller se lof besing (3:55-16:53). Die manne gooi ook ‘n oog oor die wyer kompetisie, bespreek die Proteas se kans op glorie en wonder wat fout gegaan het met Kohli & Kie (16:54-20:45).

Die tweede helfte van die Losskrum word gewy aan die dekade-oue vraag: om die “proses te vertrou” of nie. Na Nuno die trekpas gekry het slegs 4 maande na sy aanstelling, gesels die manne oor wat presies hulle as belangrik beskou in ‘n nuwe breier en watter tekens hulle wil sien om die proses te kan vertrou (20:49-31:58). Daar word ook in diepte gekyk na wat Nuno se opvolger, Antonio Conte, na die tafel toe kan bring om Spurs in die regte rigting te stuur (31:59-42:22).

Op die Telbord word daar gespekuleer oor of Unai die man is om die Saudi-skatkis by Newcastle te bestuur. Die manne deel ook hul Bok-agterlyne vir die wedstryd teen Wallis en identifiseer die nuwe gunstelinge in die Wêreldbeker na Indië (basies) die trekpas gekry het (42:27-50:36).

‘n Lang, blonde Namibiër, ‘n fris Suid-Afrikaanse slaner en ‘n jong Engelse doelwagter word in die Hoek van Helde verewig (50:37-54:00).

In Beseringstyd word die belangrikste Wêreldbeker wedstryde in die komende week identifiseer en ‘n blits vooruitskouing na die Mexico F1 gegee (54:01-59:07).

In dié episode, gesels Hendré en Francois oor die 2021 VSA-Grand Prix waarin Max Verstappen 'n reuse stap geneem het na sy eerste bestuurderskampioenskap deur die Mercedes van Lewis Hamilton agter te hou in 'n naelbytende finale rondtes (1:20-22:15).

Verder kyk hulle vorentoe na die laaste 5-wedrenne wat voorlê en wie tussen die twee kampioenskapmededingers die trofee gaan lig op die 12de Desember in Abu Dhabi (22:17-34:10).

Die Bestuurdersskuiwe van volgende seisoen word ook onder die kollig geplaas, met bespreking en debat rondom Russel by Mercedes, 2022-regulasies en die moontlikheid van Colton Herta se skuif van Indycar na F1 (34:15-57:12).

'n Propvol episode van F1 analise en debat! Maak seker om ons te laat weet wat jy dink van dié onderwerpe op ons sosiale media blaaie!

In Van die Blad Af word die nuuswaardigste Wêreldbeker-welslae gedeel en die Bok-groep word bekendgemaak. Die nuutste oor Rassie se regsrumoer word ook meegedeel (3:40-6:45).

In die Losskrum word Boucher & Kie betwyfel (6:50-17:40) en die Bok-groep (en -breiers) bespreek (17:45-38:17). Na aanleiding van Namibië se “underdog”-uitnemendheid en die VSA se minder as fantastiese vertoning teen die All Blacks, word daar gefilosofeer oor watter faktore sportsukses bewerkstellig (38:20-55:40).

Op die Telbord kom die Namibiese krieketspan se plek in sportgeskiedenis onder die loep en word Morras se status as Boklegende bespreek (55:45-1:01:30).

‘n Paar name (meeste van hulle met die van Erasmus) word ook in die Hoek van Helde verewig (1:01:40-1:04:35).

In die Losgemaal, bespreek ons KSA se Faf-flouter en die stremming wat swak bestuur op sportontwikkelling sit (6:00-18:10). Ter viering van die nuus dat toeskouers weer binne stadions toegelaat word, roep ons ook ons gunsteling stadion-herinneringe op (18:15-43:50).

Op die Telbord word ‘n ondersoek na Ole en United geloods en die gunstelinge vir die Wêreldbeker gedebateer (44:00-47:50). In die Hoek van Helde figureer die florerende Faf en die Gelante heer van WP Rugby (47:55-52:55).

Laastens, word daar geskerts oor die komende sportweek, met sekere ambisieuse Arsenal-ondersteuners wat selfs glo hulle span kan die magtige Crystal Palace klop (53:00-58:19).

In die losgemaal roei die manne oor Fury se veelsydigheid en veglustigheid, hoe Wilder geen geluk in Vegas kon vind nie en oor die toekoms van die swaargewig afdeling (5:15-23:20). Ons skerts oor Hamilton se Mercedes-miskommunikasie en bewonder Bottas se bobaas-vertoning (34:41-45:48). Op die rugby front word daar oor die Bulle en die betowerende Boeta bespiegel, terwyl die Stormers weer sukkel (23:21-34:40).

Op die Telbord, debateer ons oor boksgeskiedenis, F1 en die welslae van Suid-Afrikaanse spanne in die URC (45:50-53:20). Die Hoek van Helde word ‘n paar name ryker, party meer bekend as ander (53:40-57:27), en die hoogtepunte van die aanstaande week word uitgelig in Beseringstyd (57:30-1:02:57).